2023.06.09
Zoologiya İnstitutunda “Rəhbər heyətin mülki müdafiə məşqi” nin növbəti iclası keçirilib
9 iyun 2023-ci il tarixində ETN Zoologiya İnstitutunun akt zalında Mülki Müdafiə Qərargahının “Rəhbər heyətin mülki müdafiə məşqi”- nin növbəti iclası keçirilib.
Tədbiri giriş sözü ilə açan Mülki Müdafiə Qərargah rəisi Anar Əliyev fövqaladə halların nəticələrinin aradan qaldırılması zamanı idarəetmənin təşkili mövzusunda məruzə ilə çıxış edib. Keçirilən məşqin məqsədi, sualları, məşqə cəlb olunanlar və rəhbər sənədlər barədə məlumat verən məruzəçi Azərbaycan Respublikası Nazirlər Kabinetinin 25 sentyabr 1998- ci il tarixli 193 nömrəli Qərarını xatırladaraq ETN Zoologiya İnstitutunun Mülki Müdafiə planından irəli gələn məsələləri tədbir iştirakçılarının diqqətinə çatdırıb.
Tədbirin sonunda, fövqəladə hallar zamanı xəbərdarlıq və idarəetmə qaydalarını əks etrdirən video-çarx nümayiş olunub.
