2024.10.29
ARETN Zoologiya İnstitutunun gənc alimi ADA Universitetində “İqlim Dəyişikliyinə Uyğunlaşma” təlimində iştirak edib
ARETN Zoologiya İnstitutunun Quru onurğalıları laboratoriyasının laborantı Zivərxanım İbrahimli 23-25 sentyabr 2024-cü il tarixlərində ADA Universitetinin İnkişaf və Diplomatiya İnstitutu və BMT-nin İnkişaf Proqramı ilə əməkdaşlıqda keçirilən “İqlim Dəyişikliyinə Uyğunlaşma” təlimində təlimçi olaraq iştirak etmiş və sertifikata layiq görülmüşdür. Bu təlim əlaqəli qurumların iqlim dəyişikliyi mövzusunda bilik və bacarıqlarının təkmilləşdirilməsi məqsədilə təşkil olunmuşdur.
Təlim zamanı iqlim dəyişikliyinin təbiətə və biomüxtəlifliyə təsiri, uyğunlaşma tədbirləri və əlaqəli müasir yanaşmalar barədə müfəssəl məlumat verilib. Zivərxanım İbrahimli əldə etdiyi yeni bilikləri İnstitutdakı fəaliyyətində tətbiq etməyi və bu sahədə qabaqcıl təcrübələrin yayılmasına dəstək verməyi hədəfləyir.
ADA Universitetində keçirilən bu təlim, ölkəmizdə iqlim dəyişikliyi ilə mübarizə istiqamətində yeni və aktual təcrübələrin mənimsənilməsi baxımından böyük əhəmiyyət kəsb edir.
