2024.10.09
AMEA-nın müxbir üzvü İlham Ələkbərov beynəlxalq konfransda iştirak etmişdir
22-28 sentyabr 2024-cü il tarixlərində AR ETN Zoologiya İnstitutunun Protozoologiya laboratoriyasının müdiri, AMEA-nın müxbir üzvü, professor İ.X.Ələkbərov Nalçik şəhərində (Rusiya) keçirilən konfransda iştirak etmişdir. Görkəmli alim Rusiya Elmlər Akademiyasının 300 illiyinə həsr olunmuş IX Ümumrusiya “Dağ ekosistemləri və onların komponentləri” adlı beynəlxalq konfransda “Azərbaycanın iki milli parkının (Şahdağ və Samur-Yalama Milli Parkları) torpaq infuzorları” adlı məruzə ilə çıxış etmişdir.
Konfransın gedişatı zamanı İ.Ələkbərov A.Tembotov adına Dağ Ekologiyası İnstitutunun direktoru, REA-nın müxbir üzvü, məşhur zooloq Fatimat Tembotova, dünya şöhrətli terioloq, akademik V.Bolşakov, Qafqazda yayılmış ilanlar üzrə ekspert, professor B.Tuniyev ilə görüşmüş, gələcək planlar, müştərək işlərin aparılması üzrə imkanlarla bağlı müzakirələr aparılmışdır.
