XƏBƏRLƏR
3104 Arxiv

2018.07.06

Biologiya və Tibb Elmləri Bölməsinin ümumi yığıncağı keçirilib

İyulun 6-da AMEA-nın Biologiya və Tibb Elmləri Bölməsinin növbəti ümumi yığıncağı keçirilib.

Tədbirdə bölmənin akademik-katibi, akademik Əhliman Əmiraslanov, büro üzvləri, bölmənin tərkibinə daxil olan elmi müəssisələrin rəhbərləri və aidiyyatı məsələlər üzrə dəvət olunmuş əməkdaşlar iştirak ediblər.

Akademik Əhliman Əmiraslanov iclası açaraq gündəlikdə yer alan məsələlər haqqında məlumat verib.

Sonra elmi-təşkilati məsələlərə baxılıb.

İlk olaraq bölmənin akademik-katibi müavinlərinin və büro üzvlərinin seçkiləri keçirilib. Səsvermənin nəticələrinə görə, AMEA-nın müxbir üzvləri Zeynal Əkpərov  Nuru Bayramov akademik-katibin müavinləri seçiliblər, həmçinin büronun yeni tərkibi müəyyənləşib. Bölmə nəticələrin təsdiqi üçün AMEA Rəyasət Heyətinə təqdim olunmasını qərara alıb.

Digər qərarlarla Torpaqşünaslıq və Aqrokimya İnstitutunda Cənubi Koreyanın Seul Universiteti ilə müştərək beynəlxalq laboratoriyanın və Fiziologiya İnstitutunda İmmunofiziologiya və eksperimental transplantologiya laboratoriyasının yaradılması, Botanika İnstitutunun isə Elmi şurasının tərkibində qismən dəyişiklik edilməsi ilə bağlı Rəyasət Heyəti qarşısında vəsatət qaldırılıb.

Tədbirdə AMEA-nın müxbir üzvü Vaqif Novruzovun 75 illik, aqrar elmlər üzrə elmlər doktoru Mustafa Mustafayevin 60 illik yubileylərinin keçirilməsi ilə bağlı müvafiq qərarlar qəbul olunub.

İclasda Mərkəzi Nəbatat Bağının baş elmi işçisi, biologiya üzrə elmlər doktoru, professor Arif Bayramov, həmin müəssisənin laboratoriya müdiri, biologiya üzrə fəlsəfə doktoru Asəf İsgəndərov yubileyləri ilə bağlı bölmənin Fəxri fərmanları ilə təltif olunublar. Bundan əlavə, Fiziologiya İnstitutunun 50 illiyi ilə əlaqədar müəssisənin bir sıra əməkdaşına bölmənin Fəxri fərmanları təqdim edilib.

Sonda bir sıra ezamiyyə və kadr məsələlərinə baxılıb.

İyulun 6-da AMEA-nın Biologiya və Tibb Elmləri Bölməsinin növbəti ümumi yığıncağı keçirilib.

Tədbirdə bölmənin akademik-katibi, akademik Əhliman Əmiraslanov, büro üzvləri, bölmənin tərkibinə daxil olan elmi müəssisələrin rəhbərləri və aidiyyatı məsələlər üzrə dəvət olunmuş əməkdaşlar iştirak ediblər.

Akademik Əhliman Əmiraslanov iclası açaraq gündəlikdə yer alan məsələlər haqqında məlumat verib.

Sonra elmi-təşkilati məsələlərə baxılıb.

İlk olaraq bölmənin akademik-katibi müavinlərinin və büro üzvlərinin seçkiləri keçirilib. Səsvermənin nəticələrinə görə, AMEA-nın müxbir üzvləri Zeynal Əkpərov  Nuru Bayramov akademik-katibin müavinləri seçiliblər, həmçinin büronun yeni tərkibi müəyyənləşib. Bölmə nəticələrin təsdiqi üçün AMEA Rəyasət Heyətinə təqdim olunmasını qərara alıb.

Digər qərarlarla Torpaqşünaslıq və Aqrokimya İnstitutunda Cənubi Koreyanın Seul Universiteti ilə müştərək beynəlxalq laboratoriyanın və Fiziologiya İnstitutunda İmmunofiziologiya və eksperimental transplantologiya laboratoriyasının yaradılması, Botanika İnstitutunun isə Elmi şurasının tərkibində qismən dəyişiklik edilməsi ilə bağlı Rəyasət Heyəti qarşısında vəsatət qaldırılıb.

Tədbirdə AMEA-nın müxbir üzvü Vaqif Novruzovun 75 illik, aqrar elmlər üzrə elmlər doktoru Mustafa Mustafayevin 60 illik yubileylərinin keçirilməsi ilə bağlı müvafiq qərarlar qəbul olunub.

İclasda Mərkəzi Nəbatat Bağının baş elmi işçisi, biologiya üzrə elmlər doktoru, professor Arif Bayramov, həmin müəssisənin laboratoriya müdiri, biologiya üzrə fəlsəfə doktoru Asəf İsgəndərov yubileyləri ilə bağlı bölmənin Fəxri fərmanları ilə təltif olunublar. Bundan əlavə, Fiziologiya İnstitutunun 50 illiyi ilə əlaqədar müəssisənin bir sıra əməkdaşına bölmənin Fəxri fərmanları təqdim edilib.

Sonda bir sıra ezamiyyə və kadr məsələlərinə baxılıb.

http://science.gov.az/news/open/8363