2026.10.01

Alimlərimiz Orta Xəzərin Azərbaycan akvatoriyasında tədqiqat aparıb

Canlı Sistemlərin Tədqiqi İnstitutunun Su Biosistemlərinin Tədqiqi laboratoriyasının aparıcı elmi işçisi, dosent  Süleyman Süleymanov və böyük elmi işçisi, dosent Ənvər Cəlilovun “Qlobal iqlim  dəyişiklikləri fonunda Orta Xəzərin  Azərbaycan akvatoriyasının  faunasında baş verən  dəyişikliklərin qiymətləndirilməsi”  işi üzrə  16.09 - 23.09.2026-cı il tarixlərində Orta Xəzərin Giləzi, Sitalçay və Sumqayıt ərazilərinin sahil sularında monitorinq keçiriblər.

Ekspedisiya zamanı Giləzi – Sumqayıt akvatoriyasında müəyyən edilmiş 3 daimi stansiyadan (Sitalçay, Yaşma, Hacı Zeynalabdin)  mezoplanktona və ixtiofaunaya aid nümunələr toplanılıb. Mezoplanktona aid olan 9 ədəd keyfiyyət, 9 ədəd isə kəmiyyət nümunəsi götürülüb.  Aparılmış kompleks tədqiqatlar Xəzər dənizinin Orta Xəzər akvatoriyası mezoplanktonun və  ixtiofaunasının biomüxtəlifliyinin və yayılmasının  müasir durumu haqqında  məlumatları dəqiqləşdirəcəkdir.

Laborator şəraitdə ətraflı tədqiqi məqsədilə müvafiq nümunələr toplanaraq laboratoriyaya çatdırılıb.