2024.11.07
AR ETN Azad Həmkarlar İttifaqı “Zəfər günü”nə həsr olunmuş tədbir keçirib
6 noyabr 2024-cü il tarixində, akademik M.Nağıyev adına AR ETN Kataliz və Qeyri-Üzvi Kimya İnstitutunda, AR ETN Azad Həmkarlar İttifaqı “Zəfər günü”nə həsr olunmuş tədbir keçirib.
Azərbaycan Respublikasının Dövlət Himninin səsləndirilməsi ilə başlayan tədbirdə alim, ictimai xadim, Vətən müharibəsi qaziləri və şəhid ailələri iştirak ediblər. Daha sonra, Vətən uğrunda canlarından keçən şəhidlərin əziz xatirəsi bir dəqiqəlik sükutla yad edilib.
Tədbiri giriş sözü ilə açan AR ETN Azad Həmkarlar İttifaqının sədri h.e.d., prof. Habil Qurbanov bildirib ki, Ali Baş Komandan İlham Əliyevin rəhbərliyi və ordumuzun göstərdiyi qəhrəmanlıq və rəşadət sayəsində 30 illik işğala birdəfəlik son qoyuldu və cənab Prezidentin apardığı ədalətli müharibə ədalətin təntənəsi ilə başa çatdı. 2023-cü ildə həyata keçirilən birgünlük antiterror tədbirləri ilə Azərbaycanın tam ərazi bütövlüyü və suverenliyi təmin olundu. Həmçinin o, qeyd edib ki, bu gün biz dünya qarşısında alnıaçıq şəkildə qalib xalq kimi tanınırıq.
Tədbirin sonunda, Zoologiya İnstitutunun Təhcizat və Xidmət şöbəsinin mühəndisi, Vətən müharibəsi qazisi Kamran Şəfiyev və digər qazilərə AR ETN Azad Həmkarlar İttifaqı tərəfindən pul mükafatı təqdim olunub.
