2024.09.10

Zoologiya İnstitutunda Fəlsəfə doktoru proqramı üzrə doktoranturaya ixtisas fənnindən qəbul imtahanı keçirildi

Azərbaycan Respublikası Nazirlər Kabinetinin 27 mart 2024-cü il tarixli 163s nömrəli Sərəncamı ilə təsdiq edilmiş “Azərbaycan Respublikasının ali təhsil müəssisələrinin, elmi müəssisə və təşkilatların 2024-cü il üçün doktorant və dissertant hazırlığı üzrə qəbul planları”na əsasən Zoologiya İnstitutuna 2401.01- “Zoologiya” ixtisası üçün Fəlsəfə doktoru proqramı üzrə əyani doktoranturaya büdcə hesabına 1 (bir) yer ayrılmışdır. Həmin yerə sənədlərini təqdim etmiş namizədlərdən  xarici dil və Fəlsəfə fənnindən doktoranturaya qəbul imtahanından məqbul qiymətləndirilən Mehdizadə Bilal Ehtiram oğlu ixtisas fənnindən qəbul imtahanı vermişdir. 2401.01- “Zoologiya” ixtisası üzrə təşkil olunmuş imtahan 10 sentyabr 2024-cü il tarixində Zoologiya institutunda keçirilmişdir.

İddiaçı imtahan biletinin suallarını  şifahi və yazılı olaraq  cavablandırmış, onun cavabları imtahan komissiyasının  üzvləri tərəfindən “əla” qiymətləndirilmişdir.