2024.05.16
Dissertasiya şurasının nəzdində elmi seminarın növbəti iclası keçirilib
16 may 2024-cü il tarixində ETN Zoologiya İnstitutunda BED. 1.09 Birdəfəlik Dissertasiya şurasının nəzdində elmi seminarın növbəti iclası keçirilib. Zoologiya İnstitutunun Hidrobiologiya laboratoriyasının aparıcı elmi işçisi, b.ü.f.d., dosent Saleh İltizam oğlu Əliyevin 2401.01-“Zoologiya” ixtisasında biologiya elmləri doktoru elmi dərəcəsi almaq üçün təqdim etdiyi “Azərbaycan çaylarının makrozoobentosu (növ tərkibi, miqdarı, ekologiyası, zoocoğrafi analizi və mənşəyi)” mövzusunda dissertasiya işinin müzakirəsi keçirilib. Qeyd edək ki, dissertasiya işinin elmi məsləhətçisi AMEA-nın müxbir üzvü, b.e.d., prof. İlham Xəyyam oğlu Ələkbərovdur.
Sonda dissertasiya işinin elmi və praktik əhəmiyyətini nəzərə alaraq, b.ü.f.d., dosent Saleh İltizam oğlu Əliyevin “Azərbaycan çaylarının makrozoobentosu (növ tərkibi, miqdarı, ekologiyası, zoocoğrafi analizi və mənşəyi)” adlı dissertasiya işi müdafiə üçün növbəti mərhələyə buraxıldı.
