2022.06.01
Zoologiya İnstitutunda Zoologiya ixtisas fənni üzrə doktorluq imtahanı keçirilib
AMEA-nın prezidenti v.i.e., akademik Arif Həşimovun 5 aprel 2022-ci il tarixli 100 nömrəli Sərəncamına əsasən, institutun baş direktor vəzifəsini icra edən, aqrar elmlər üzrə fəlsəfə doktoru, dosent Ələddin Eyvazovun müvafiq əmri ilə doktorluq imtahanı keçirmək məqsədilə institutda imtahan komissiyası (Sədr: a.e.ü.f.d.,dos. Ə.Q.Eyvazov, Komissiyanın üzvləri: b.e.d.,dos. E.İ.Əhmədov, AMEA-nın müxbir üzvü, b.e.d., prof. İ.X.Ələkbərov, b.ü.f.d., dos. T. M. İsgəndərov, b.ü.f.d., G.İ.Nadirova ) yaradılıb.
31 may 2022-ci il tarixində AMEA Zoologiya İnstitutunda “Zoologiya-2401.01” ixtisas fənni üzrə doktorluq imtahanı keçirilib. AMEA Rəyasət Heyəti aparatı Təhsil şöbəsinin Doktorantura sektorunun müdiri, biologiya üzrə fəlsəfə doktoru, dosent Tubuxanım Qasımzadənin iştirakı ilə keçirilən imtahanda institutun sabiq əyani doktorantı Leyla Nadirli və AMEA Naxçıvan Bölməsinin dissertantı Hüseyn Rəsulzadə imtahan veriblər. Namizədlərin nəticələri imtahan bitdikdən sonra komissiya tərəfindən elan edilib.