2020.05.13
“Koronavirus pandemiyası: elmi tədqiqatlardan sağlam gələcəyin təminatına doğru” mövzusunda onlayn konfrans keçiriləcək
Cari ilin iyun ayında AMEA-nın Biologiya və Tibb Elmləri Bölməsinin, eləcə də Molekulyar Biologiya və Biotexnologiyalar İnstitutunun birgə təşkilatçılığı ilə “Koronavirus pandemiyası: elmi tədqiqatlardan sağlam gələcəyin təminatına doğru” mövzusunda onlayn konfrans keçiriləcək.
Konfransda aşağıdakı istiqamətlər üzrə müzakirələr aparılacaq:
- Yeni pandemiya və epidemiya təhlükələrinin qarşısının alınmasında müasir elmi biliklərin və innovativ texnologiyaların tətbiqi;
- Beynəlxalq əməkdaşlıq və milli biotəhlükəsizlik çağırışları;
- Təkamül və epidemiologiya, gələcək risklər;
- Viral müxtəliflik, koronaviruslar dünyası, onların təkamül dinamikası;
- Yeni koronavirusların yaranması və onlara qarşı immunitetin inkişafı üçün populyasion genom tədqiqatları;
- COVID-19 pandemiyasının diaqnostika və müalicə üsulları;
- Viruslara qarşı mübarizədə peyvəndlərin, antiviral dərmanların, bitki təbiətli birləşmələrin tətbiqi;
- Epidemik alovlanmaların proqnozlaşdırılması, riyazi modellər;
- Pandemiyalar və bioetik problemlər;
- Mikrobiologiya, virusologiya və molekulyar biotexnologiya elmlərinin inkişaf perspektivləri.
Konfransda çıxış etmək istəyənlər tezislərini afig.mammadov@gmail.com elektron ünvanına göndərə bilərlər.
Məktubun mövzu yerində “COVID-19 – konfrans” sözlərinin yazılması tələb olunur. Tezislər Microsoft Word A4 formatında, Arial 12 pt şrifti ilə (sahələr: hər tərəfdən 2 sm qoyulmaqla), sətirlərarası interval 1.15 qoyulmaqla 1 səhifə həcmində olmalıdır.
http://science.gov.az/news/open/13061
