2019.07.16
Zoologiya İnstitutunun əməkdaşları beynəlxalq ekspedisiyada olublar
25 iyun - 05 iyul 2019-cu il tarixlərində AMEA Zoologiya İnstitutu “Parazitologiya” laboratoriyasının baş elmi işçisi, biologiya üzrə elmlər doktoru Mahir Hüseynov, elmi işçi Namiq Rzayev və Xarkov Milli Universiteti “Heyvanların zoologiyası və ekologiyası” kafedrasının əməkdaşları - biologiya üzrə elmlər doktoru, professor Sergey Yuriyeviç Utevski, aspirant Qalina Nikolayevna Morqun ilə birlikdə Gəncə rayonunda ekspedisiyada olublar.
Ekspedisiyanın təşkil olunmasında əsəs məqsəd Gəncə rayonunun Göygöl Milli Parkı ərazisində yerləşən (Göygöl, Maralgöl, Zəligöl və s.) su hövzələrində zəlilərin faunasını öyrənməkdən ibarət olub. Göstərilən su hövzələrindən zəlilərlə paralel olaraq digər onurğasız heyvanlar – mollyusklar, amfipodlar (qammaridlər) da toplanıb və dəqiq təyin olunması üçün loboratoriyaya gətirilib.