2019.07.05
Zoologiya İnstitutunun Hidrobiologiya laboratoriyasının əməkdaşları ekspedisiyada olublar
AMEA Zoologiya İnstitutunun Hidrobiologiya laboratoriyasının aparıcı elmi işçiləri biologiya üzrə fəlsəfə doktoru Ənvər Cəlilov və biologiya üzrə fəlsəfə doktoru Süleyman Süleymanov 01.07.2019 – 03.07.2019-cu il tarixdə Orta Xəzərin Giləzi – Sumqayıt akvatoriyasının sahilboyu sularında zooplankton və ixtiofauna üzrə nümunələr toplamaq üçün ekspedisiyada olublar. Ekspedisiya zamanı Orta Xəzərin Giləzi – Sumqayıt akvatoriyasında müəyyən edilmiş 3 daimi stansiyadan zooplanktona və ixtiofaunaya aid nümunələr toplanılıb. Tədqiqat dövründə 6 növdən olan 26 ədəd balıq üzərində müşahidələr aparılıb və zooplanktona dair 5 ədəd nümunə qablaşdırılıb.
Qeyd edək ki, aparılan tədqiqatlar nəticəsində Orta Xəzər akvatoriyasında zooplankton və ixtiofauna biomüxtəlifliyinin müasir durumu haqqında məlumatlar əldə ediləcək.