2018.02.05
AMEA Zoologiya İnstitutunda Gənclər Gününə həsr olunan tədbir keçirildi
Bildiyimiz kimi, 2 fevral Ümumrespublika Gənclər Günüdür. Azərbaycanda əsası ümummilli lider Heydər Əliyevin təşəbbüsü ilə qoyulan, bu günün tarixi 1996-cı ildən başlayır. Bu gün, ölkəmizdə dövlət gənclər siyasəti mövcuddur və indi həmin siyasət daha qətiyyətlə həyata keçirilir.
Bu gün ölkəmizin hər yerində Azərbaycan gəncləri öz bayramlarını böyük uğurlarla qeyd edirlər.
AMEA Zoologiya İnstitunda da gənclər günü ilə əlaqədar tədbir keçirildi.
Keçirilən tədbiri giriş sözü ilə İnstitutun direktoru Elman Yusifov açıq elan edərək, ilk öncə, gənc alimləri bu gözəl gün münasibəti ilə təbrik edib, onlara işlərində nailiyyətlər arzuladı. Əməkdaşlara özlərini inkişaf etdirməyi, seçdikləri sahənin mütəxəssi olub, eyni zamanda bir sahə ilə kifayətlənməməyi, həmçinin tədqiqat işlərinə, operativlik, tolerantlıq, dözümlülük tətbiq etməyi məsləhət gördü.
Daha sonra İnstitut əməkdaşlarının çıxış və təbrik sözləri eşidildi. Belə ki, Zoologiya İnstitutunun Gənc Alim və Mütəxəssislər Şurasının sədri Səbinə Bünyatova, Elmi Katib Sara Əliyeva, Tətbiqi Zoologiya Mərkəzinin kiçik elmi işçisi Ləman Dadaşova təbrik sözləri ilə çıxış edib, Azərbaycanda gənclər gününün tarixi haqqında danışıb,AMEA-nın prezidenti, akademik Akif Əlizadənin, eyni zamanda Biologiya və Tibb Elmləri Bölməsinin akademik-katibi Əhliman Əmiraslanovun AMEA-nın ictimai-siyasi həyatında böyük rol oynayan gəncləri hər zaman diqqət mərkəzində saxlamaqlarının qürurverici olduğunu, göstərilən qayğını daim hiss etdiklərini, bəslənən etimadı hər zaman doğruldacaqlarını vurğuladılar.
