2018.01.18
Tətbiqi Zoologiya Mərkəzi əməkdaşının dissertasiya işinin şöbədə müzakirəsi keçirilib
AMEA Zoologiya İnstitutunun Tətbiqi Zoologiya Mərkəzi və Quru onurğasızları laboratoriyasının birgə iclasında mərkəzin kiçik elmi işçisi Səbinə Həsənovanın “Yeddi nöqtəli parabüzənin bioekoloji və fizioloji xüsusiyyətləri” mövzusunda dissertasiya işi müzakirə olunub.
S.Həsənova dünyada zərəvericilərlə bioloji mübarizədə ən səmərəli növlərdən biri kimi qəbul olunmuş 7 nöqtəli parabüzənin bioekoloji və bəzi fizioloji göstəricilərinə temperatur, fotoperiod və qidanın təsirlərini araşdırıb.
Tədqiqatçı respublikada ilk dəfə olaraq, yeddi nöqtəli parabüzənin laboratoriyada süni şəraitdə kütləvi şəkildə çoxaldılması üçün optimal rejimi müəyyənləşdirib.